Nën kërcënimin e kallashnikovëve, grabitet argjendaria në Paskuqan, ja detajet e para

Një grabitje raportohet të ketë ndodhur në zonën e Paskuqanit në Tiranë. Sipas informacioneve paraprake, është grabitur një argjendari ndërsa dyshohet se autorët të ketë përdorur armë zjarri.

Pasi kanë marrë një sasi bizhuterish, autorët dyshohet se janë larguar nga vendi i ngjarjes me motor. Sakaq, policia ka mbërritur në vendin e ngjarjes teksa po punohet për identifikimin e grabitësve si dhe për zbardhjen e plotë të rrethanave të rastit.

“Kamëz/Informacion paraprak

Më datë 05.08.2026, rreth orës 14:50, në Paskuqan, 2 shtetas ende të paidentifikuar, kanë hyrë në ambientet e argjendarisë në pronësi të shtetasit L. L. dhe duke kanosur punonjëset me send në dukje armë zjarri, kanë marrë një sasi bizhuterish.

Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle për kapjen e autorëve.

Grupi hetimor po punon për fiksimin e çdo prove që do të çojë në identifikimin e autorëve dhe kapjen e tyre, si dhe dokumentimin e plotë të rastit”, njofton policia.