Neuer dhe Bayern gjejnë akordin për rinovimin, firma në kontratën e re përpara ndeshjes me 1.FC Köln

Manuel Neuer do të jetë edhe për një tjetër vit portieri i parë i Bayern-it. 40-vjeçari thuhet se ka arritur akordin me klubin e tij për të shtyrë me një vit kontratën aktuale, e cila mbyllet më 30 qershor.

Me marrëveshjen e re Neuer do të përfitojë më pak krahasuar me kontratën aktuale. Portieri përfitonte 20 milionë euro në sezon ndërsa kjo shifër do të jetë më e vogël në kontratën e re. Gjithashtu ai ka pranuar që sezonin e ardhshëm të reduktojë edhe numrin e prezencave duke i dhënë më shumë mundësi Urbig.

Mësohet se Bayern do të lajmërojë arritjen e akordit të ri në ditët në vazhdim, përpara ndeshjes së fundit të sezonit në Bundesliga përballë 1.FC Köln. A.V.