Neymar feston rikthimin e tij, një foto duke qarë dhe thënia e… Hamilton

“Kujto se kush je”. Pak fjalë, por të mjaftueshme për të përmbledhur të gjithë udhëtimin që çoi në rikthimin e tij në fushë në një Kupë Bote. Pasi u prek nga minutat që luajti kundër Skocisë, Neymar postoi një foto të tij duke qarë në profilin e tij në Instagram.

E shoqëron përshkrimi me thënien që shoqëroi mikun e tij, Leëis Hamilton gjatë një krize tjetër të gjatë, nga seria e zhgënjimeve me Ferrarin deri te fitorja e tij në Çmimin e Madh të Barcelonës më pak se dy javë më parë. Leëis e ripostoi postimin në llogarinë e tij: “Gjithmonë”, përsëriti ai.

Lidhja mes të dyve duket se daton që nga Kupa e Amerikës e vitit 2016, ndërsa në vitin 2017 ata shkuan për të parë së bashku një ndeshje finale të NBA-së.

Respekti i tyre i ndërsjellë është konfirmuar në vitet që nga ajo kohë, me Leëis që ndoqi disa nga garat e Neymar para Çmimit të Madh të Brazilit në vitin 2021 dhe anasjelltas. Ney u shfaq së fundmi në garazh për t’i dhënë pilotit disa këpucë të personalizuara. “Është gjithmonë mirë ta shohësh, është sikur të jetë binjaku im”, tha Hamilton për brazilianin në vitin 2025.