Inter, Chivu: Le të mësojmë nga gabimet tona

Pas zhgënjimit të së shtunës në mbrëmje, Interi është rikthyer në Ligën e Kampionëve, në Roterdam për t’u përballur me Feyenoordin. Chivu dhe skuadra e tij po kërkojnë të rikuperohen pas humbjes zhgënjyese në derbi kundër Milanit dhe po ndjekin tri pikë të tjera pas fitores së tyre evropiane kundër Shakhtarit: “Ka gabime dhe incidente nga të cilat mund të mësojmë”, tha trajneri i zikaltërve në konferencën e tij për shtyp para ndeshjes.

“Ne duhet ta shndërrojmë zhgënjimin në energji pozitive. Unë besoj në punën, në këtë skuadër, në atë që kanë bërë deri më tani dhe jam i sigurt në atë që do të bëjnë sepse janë kampionë të mëdhenj”.

Pas vetëm tri pikësh nga tri ndeshjet e para, qëllimi për të arritur në raundin e 16-shes duket i vështirë, por Chivu nuk po i minimizon shpresat evropiane të ekipit të tij: “Liga e Kampionëve duhet të luhet ndeshje pas ndeshjeje. Natyrisht, nëse duam të llogarisim një përfundim në tetë vendet e para, na duhen 16 pikë, por jemi ende në lojë. Nesër nuk do të jetë e lehtë. E njoh mirë këtë stadium dhe e di atmosferën dhe sa shumë shtyjnë tifozët, por ne e dimë se çfarë mund të bëjmë”.

Ende nuk ka komente. Bëhuni i pari që komenton.