Nga Italia në Arabinë Saudite, kur mbyllet zyrtarisht merkatoja e verës 2026!

Jemi në orët e fundit të merkatos verore, por kampionate të ndryshme kanë data dhe orare të ndryshme kur bie gongu i transferimit të futbollistëve.

Në Itali merkatoja mbyllet zyrtarisht më 1 shtator, pra të martën, në orën 20:00. Po në kampionatet e tjera të rëndësishme të Europës? Gjermania është një ditë para, e mbyll merkaton sot, në orën 19:00. Franca dhe Portugalia kanë të njëjtat data dhe orare si Serie A, më 1 shtator ora 20:00.

Në Spanjë dhe në Angli mbyllja e merkatos është spostuar për në orën 23:59 të datës 1 shtator. Për Holandën, ashtu si dhe për MLS-në, gjithçka merr fund të mërkurën, më 2 shtator. Skocia dhe Austria kanë edhe një ditë më shumë kohë.

Në Turqi mbyllja e merkatos verore është parashikuar për të premten e 4 shtatorit. Ka më shumë kohë Arabia Saudite, ku mbyllja e mërkatos vjen më 12 tetor.