Nga studio e emisionit në prokurori, gazetari Artan Hoxha shoqërohet te Krimet e Rënda
Menjëherë pas përfundimit të emisionit “Opinion”, gazetari investigativ Artan Hoxha është shoqëruar në Prokurorinë e Krimeve të Rënda. Shoqërimi i Hoxhës dyshohet të ketë lidhje me dëshmitë e tij gjatë emisionit të sotëm “Opinion” në lidhje me vrasjen e informatorit që e çoi në parcelën me kanabis disa muaj më parë në Devoll, si dhe deklaratat për avionin e rrëzuar sot në Ishëm të Durrësit. Shoqërimi i tij është bërë me kërkesë të Prokurorisë së Krimeve të Rënda.
Gazetari Artan Hoxha ka rrëfyer në “Opinion” se një informator i tij në fshatin Koshnicë të Devollit, që e pati ndihmuar të hynte te parcelat e kanabisit është ekzekutuar me plumb pas koke, tre muaj pasi publikoi rrëfimin e tij. Hoxha tregon momentin kur informatori i tha se ndihej i frikësuar, pasi nëse e shihnin me gazetarin me dylbi nga lart, do ta njihnin dhe do ta ekzekutonin. Hoxha publikoi videon ku informatori e shoqëron në parcela, duke shfaqur për herë të parë fytyrën dhe emrin e tij. Gazetari thotë se vrasja e informatorit të tij edhe sot e kësaj dite, nuk është zbuluar, ndonëse pasi publikoi historinë, policia ndërhyri dhe e asgjesoi kanabisin.
“Gjatë vitit të kaluar ka qënë kjo situatë që është sot. Pas fushatës anti-kanabis u bë një konferencë. U dhanë disa shifra të policisë së shtetit, një shifër e madhe 99.2 përqind e sipërfaqes së identifikuar. Unë shkova në Devoll, në një fshat që nuk është shquar për mbjellje. Kishim dyshime për bashkëpunim me oficerë të policisë. Kisha dy informatorë që më ndihmuan të shkoja në parcela. Unë shkova me kamera standarte. Fiks tre muaj pasi hymë në këtë zonë, për shkak të konflikteve që janë në këtë zonë, personi në fjalë ishte i trembur që të më bashkëngjitej sepse mendonte që do ta vëzhgonin em dylbi nga lart. Për fat të keq, tre muaj më mbrapa në 19 Dhjetor, ky person është rrëmbyer në banesën e vet, është goditur me plumb pas koke dhe u hodh në kanal. Deri më sot kjo vrasje nuk është zbuluar. I vrari ishte personazh me lidhje të botës së trafikut. Nëse ai do të jetonte unë nuk do ta publikoja videon me fytyrën e tij”.
Veprim jashtezakonisht I duhur e I arsyshem.Cili shtet ne bote nuk do ta kryente kte veprim.Pse ai dhe Flamur ndoka dekonspirojne?
Sipas gjasave ata te dy duhen te denohen per nxjerrje sekreti.Cili shtet ne bote nuk kryen nje veprim te tille?