Ngjarje e paqartë në kryeqytet, si u plagos në lokal 34-vjeçari

Rreth orës 23:55 të së martës, 26 maj, raportohet se një 34 vjeçar është plagosur me armë zjarri në kryeqytet. Ngjarja ka ndodhur në rrugën “Aleksandër Moisiu”, pas një konflikti momental.

Siç raporton gazetarja e Klan News, Glidona Daci, i riu ka qenë në lokalin e tij bashkë me disa persona të tjerë. Ai ka marrë një plumb në pulpën e këmbës dhe ndodhet jashtë rrezikut për jetën.

Policia po analizon pamjet e regjistruara nga kamerat e sigurisë, ndërsa gjatë deklarimeve të tij mësohet se ai nuk ka qenë shumë bashkëpunues, duke mos dhënë detaje mbi atë që ka ndodhur.

Ka dyshime se edhe vetë ai mund të ketë qëlluar me armë zjarri.

/tvklan.al