Nico Paz–Real Madrid, thyerje totale. Florentino Pérez nuk bën zbritje: “Shitet për 60 milionë euro”

Nico Paz po kthehet në një përplasje të fortë merkatoje që lidh grumbullimin e Argjentinës për Botërorin në SHBA, Liqenin e Comos dhe zyrat e Real Madridit. Sipas “Corriere dello Sport”, situata rreth talentit të vitit 2004 ka ndryshuar brenda pak ditësh.

Argjentinasi dëshiron të qëndrojë në Itali. Pas një sezoni të shkëlqyer me 12 gola që e çoi Comon e Cesc Fabregas drejt një kualifikimi historik në Champions League, ai kërkon të mbetet në radhët e klubit ku është lider. Një telefonatë me trajnerin e ri të Real Madridit, José Mourinho, ka shtuar frikën e tij se në Madrid, sidomos pas transferimit të Bernardo Silvës, hapësirat do të jenë shumë të kufizuara. Për këtë arsye ai i ka kërkuar Realit: “Më lejo të luaj te Como edhe një vit tjetër”.

Fillimisht klubi spanjoll dukej i gatshëm të pranonte huazimin, por Florentino Pérez ka ashpërsuar qëndrimin. Reali ka afat deri më 30 qershor për të aktivizuar klauzolën e riblerjes prej 10 milionë eurosh nga Como. Plani i Perez është ta marrë lojtarin dhe ta shesë me fitim maksimal.