Nis protesta e sotme në Tiranë, bojkot në disa shkolla! Përplasje para Parlamentit, Policia i shpërndan, disa të shoqërua

Të rinjtë e shkollave të mesme të Tiranës kanë nisur me bojkotimin e mësimit për t’iu bashkuar protestës.

Disa gjimnazistë kanë shkuar te Hoteleri-Turizmi duke u bërë thirrje “bashkohuni me ne!”

Afër gjimnazeve “Ismail Qemali” e “Partizani” kanë nxjerrë në rrugë edhe koshat e mbeturinave duke u vënë flakën, si dhe po hedhin fishekzjarre.

Edhe nga shkollat e Kamzës ka bojkot të mësimit me thirrjen “të gjithë së bashku!”.

Edhe ditën e sotme, protestuesit kanë nisur të mblidhen për të vijuar me protestën para Ministrisë së Arsimit. Një pjesë e nxënësve dhe studentëve kanë bojkotuar mësimin dhe kanë nisur të marshojnë nëpër rrugët e Tiranës.

Një pjesë e protestuesve iu afruan godinës së Kuvendit, ku pritej të zhvillohej edhe seanca plenare. Por, policia reagoi menjëherë duke i shpërndarë, ndërsa pati edhe të shoqëruar.