Nishani: Presioni mbi Gjykatën Kushtetuese për “pronat” shqetësues

Për presidentin e Republikës qeveria po bën hapur presion mbi Gjykatën Kushtetuese që të mos pezullojë ligjin e ri të pronave. Ky ligj sipas kreut të shtetit  shkel Konventën Europiane të të Drejtave të Njeriut dhe bllokon një prej 5 prioriteteve për hapjen e negociatave për anëtarësim në BE. Nishani tha për TV Klan se me këtë është kompromentuar dhe procesi i reformës në drejtësi.

Pas opozitës, Presidenti i Republikës ka akuzuar qeverinë se po i bën presion të hapur e publik Gjykatës Kushtetuese. Por kreu i shtetit e konstaton këtë tek mungesa për një kohë të gjatë e një vendimi nga kjo gjykatë për kërkesën e tij dhe grupeve të tjera për pezullimin e ligjit të pronave. Ndërsa vetëm këto ditë ministri i Drejtësisë Ylli Manjani apeloi ndaj gjykatës që të mos e pezullojë ligjin.

Ndonëse për cështje të ndryshme, kreu i shtetit del në të njëjtin konkluzion si opozita, kur thotë se arritja e presionit deri në Gjykatën Kushtetuese kompromenton edhe vetë procesin e reformës në drejtësi.

Nishani sapo është kthyer nga nëj viziët në insitucionet e Këshilli të Europës. Në Strasburg ai u takua edhe me kreun e Gjykatës Europiane të të Drejtave të Njeriut, e cila ka dhënë në vazhdimësi vendime pro qytetarëve dhe kundër shtetit shqiptar sa i takon çështjes së pronës. Ligji i ri i pronave jo vetëm që nuk e zgjidh këtë situatë, por sipas Presidenti ka dhe një tjetër përmasë shqetësuese.

Por sipas Nishanit, kemi të bëjmë dhe me refuzim të qeverisë për të përmbushur një prej 5 prioriteteve kyç për hapjen e negociatave për anëtarësim.

Sipas Presidenti, është shqetësues kur pas 25 vitesh demokraci ligjin i ri jo vetëm nuk e zgjidh, por e kthen mbrapsht procesin e kthimit dhe kompensimit të pronarëve, duke përcjellë fryme dhe qëndrime politike të partive që po qeverisin vendin.