Një shtëpi, molla e sherrit që shkaktoi 2 të vrarë në Korçë

Autori i ngjarjes së rëndë që ndodhi mbrëmjen e kësaj të mërkure në Korçë është 61-vjeçari Ilo Lluka. Ai qëlloi për vdekje 40-vjeçarin Emiljano Pine dhe më pas u vetëvra me të njëjtën armë. Ngjarja ndodhi në lagjen nr.18 të Korçës. Mësohet se policia po heton në pistën e vrasjes për shkak të marrëdhënieve familjare pasi viktimat njiheshin me njeri-tjetrin.

Burime nga grupi hetimor thanë se babai i autorit bashkëjetonte me nënën e viktimës. Ai kishte vendosur që shtëpinë t’ia linte trashëgim djalit të saj, Emiljanos. Lluka ka shkuar mbrëmjen e së mërkurës pranë lokalit ku qëndronte Pine dhe e ka thirrur jashtë. Pasi ka dalë ai e ka qëlluar disa herë më armë dhe më pas i ka dhënë fund edhe vetes së tij. Në vendin e ngjarjes sipas burimeve nga policia janë gjetur 4 gëzhoja.