Numri i të vrarëve në Komyshuvakha rritet në 53, kërkim-shpëtimi hyn në ditën e pestë

Numri i të vrarëve nga bombardimi rus i një pike shpërndarjeje ndihmash në rajonin e Zaporizhzhes, në juglindje të Ukrainës, është rritur në 53, njoftoi të premten guvernatori në detyrë i rajonit, Mykhailo Semikin.

Numri i të vrarëve nga bombardimi rus i së hënës ndaj një pike shpërndarjeje ndihmash në rajonin e Zaporizhzhes, në juglindjen e Ukrainës, është rritur në 53, siç njofton Reuters. Lajmin e dha të premten guvernatori në detyrë i rajonit, Mykhailo Semikin, në një postim në Telegram.

Sipas Reuters, goditja është një nga më vdekjeprurëset ndaj civilëve këtë vit. Semikin bëri të ditur se puna e kërkim-shpëtimit në vendngjarje, në fshatin Komyshuvakha, ka hyrë në ditën e pestë.

Shërbimi Shtetëror i Emergjencave i Ukrainës kishte njoftuar më herët se bilanci ishte 50 të vrarë. Sipas Reuters, operacioni i shpëtimit vazhdon pavarësisht kushteve të vështira dhe kërcënimit të vazhdueshëm të goditjeve të përsëritura ruse në zonë.