Oferta është në tavolinë. Real Madrid mund të bëjë shitjen më të shtrenjtë në histori këtë verë

Jo vetëm afrime të bujshme, por edhe largime. Real Madrid do të bëjë ndryshime të shumta në ekip këtë verë. Jose Mourinho është gati të bëjë një revolucion të vërtetë te “Los Blancos”.

Mediet angleze zbulojnë se Arda Guler është objektivi kryesor i Chelsea-s për merkaton e verës. Fantazisti turk është kërkesa e parë e Xabi Alonso për drejtuesit e “Bluve”.

Kujtojmë se Arda Guler shkëlqeu te Real Madrid, për aq kohë sa Xabi Alonso ishte trajner. Dyshja duket se kanë krijuar një raport shumë të mirë mes tyre dhe duan të ribashkohen sërish.

Sipas raportimeve të ndryshme, oferta e Chelsea-s për Arda Guler do të jetë 120 milionë euro. Në rast se Real Madrid pranon, turku do të jetë shitja më e shtrenjtë e klubit madrilen, duke tejkaluar edhe shifrën 100 milionë euro, kur Cristiano Ronaldo u alrgua nga Real Madrid te Juventus në vitin 2018.

Megjithatë, pritet të jetë Jose Mourinho, ai që do të vendosë nëse Arda Guler do të jetë pjesë e projektit të tij ose jo.