OKB e shqetësuar për përparimin e Izraelit në Liban, njofton takim urgjent të Këshillit të Sigurimit

Këshilli i Sigurimit i OKB-së do të mbajë një takim urgjent mbi zgjerimin e operacionit ushtarak izraelit në Liban, pas pushtimit të Kështjellës mesjetare Beaufort nga Forcat e Armatosura Izraelite (IDF) , thanë burime diplomatike të cituara nga AFP.Takimi urgjent u kërkua nga Franca dhe pritet të zhvillohet menjëherë pas një takimi tjetër urgjent të Këshillit të Sigurimit, i cili ka të bëjë me rrëzimin e një droni rus në një ndërtesë apartamentesh në Rumani.

Sipas të njëjtave burime, takimi mbi incidentin në Rumani është planifikuar për në orën 15:00 sipas orës së Nju Jorkut, ndërsa diskutimi mbi zhvillimet në Liban do të pasojë menjëherë.Takimi po zhvillohet në një kohë tensionesh të larta në rajon, pasi Izraeli ka zgjeruar operacionet e tij në Libanin jugor dhe ka njoftuar kapjen e Kështjellës Beaufort, me rëndësi strategjike, një zhvillim që qeveria izraelite e përshkroi si një hap të rëndësishëm në fushatën kundër Hezbollahut.