OKB – Trump me neologjizëm: SHBA do të përdorë termin “superinteligjencë” dhe jo “inteligjencë artificiale”

NJU JORK, 22 shtator /ATSH-AFP/ – Presidenti amerikan, Donald Trump njoftoi sot se qeveria amerikane do të përdorë tani termin “superinteligjencë” në vend të “inteligjencës artificiale” (IA) në komunikimet e saj, duke shpresuar që “bota do të ndiqte shembullin”.

“Tingëllon shumë më mirë sesa inteligjenca artificiale”, tha presidenti amerikan gjatë fjalimit të tij në Asamblenë e Përgjithshme të OKB-së.

“Është shumë më i përshtatshëm”, shtoi ai.

Në këtë fushë, termi superinteligjencë përcakton fazën në të cilën IA do të ketë tejkaluar aftësitë e arsyetimit dhe të të menduarit njerëzor në të gjitha fushat.

Në përgjithësi është rënë dakord se edhe modelet më të përparuara janë ende larg kësaj pike.

Për presidentin amerikan, shprehja “inteligjencë artificiale” “tingëllon sikur (kjo teknologji) është e rreme”, por IA “nuk është e rreme”, argumentoi ai.

“Mirë se vini në botën e re të superinteligjencës, +SI+”, deklaroi Donald Trump.

“Do të shohim nëse “Unë kam pushtet”, deklaroi ai, në lidhje me miratimin e mundshëm të këtij neologjizmi nga qeveritë e tjera./ a.jor.