Pensioni minimal u trefishua në 10 vjet: nga 7.783 në 21.500 denarë
Sipas analizës së revistës financiare "Pari", të publikuar nga Press24, pensioni më i ulët në Maqedoninë e Veriut është rritur gati trefish në një dekadë — nga 7.783 denarë në vitin 2016 në rreth 21.500 denarë sot.
Pensioni minimal në Maqedoninë e Veriut është rritur gati trefish në dhjetë vjetët e fundit, sipas një analize të revistës financiare “Pari”, të cilën e publikoi sot Press24. Nëse në vitin 2016 pensioni më i ulët ishte 7.783 denarë, sot ai është rreth 21.500 denarë.
Siç thekson analiza e “Pari”-t, pensioni minimal sot është shumë më afër pagës minimale se një dekadë më parë, çka tregon rritjen e vazhdueshme të të ardhurave të pensionistëve me të ardhurat më të ulëta.
Sipas të dhënave të publikuara nga “Pari”, mbi 44 për qind e pensioneve në vend janë deri në 23.945 denarë, ndërsa numri i përgjithshëm i përfituesve të pensioneve minimale është rreth 98.318, ose 28 për qind e të gjithë pensionistëve.
Rritja e pensioneve ka qenë një nga temat kryesore ekonomike të viteve të fundit në vend, me rritje lineare dhe harmonizime të rregullta ligjore që kanë ngritur nivelin e të ardhurave të pensionistëve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.