Sot shënohet Dita e Alfabetit të Gjuhës Shqipe
Më 22 nëntor kujtohet Kongresi historik i Manastirit i vitit 1908, ku 50 delegatë nga 26 qytete vendosën për përdorimin e alfabetit latin; në Shkup dhe Manastir organizohen aktivitete kulturore.
Sot, më 22 nëntor, shënohet Dita e Alfabetit të Gjuhës Shqipe, në kujtim të Kongresit historik të Manastirit të vitit 1908, ku u unifikua alfabeti shqip, raporton Alsat. Ky kongres, i mbajtur nga 14 deri më 22 nëntor, mblodhi 50 delegatë nga 26 qytete të ndryshme, të cilët vendosën për përdorimin e alfabetit latin, duke hedhur një hap të rëndësishëm për gjuhën dhe identitetin kombëtar shqiptar.
Në mesin e figurave të rëndësishme të këtij kongresi ishin Mithat Frashëri, Luigj Gurakuqi dhe Gjergj Qiriazi, ndërsa Parashqevi Qiriazi ishte e vetmja grua pjesëmarrëse. Kjo ditë mbetet simbol i bashkimit, kulturës dhe identitetit shqiptar.
Me këtë rast, në Shkup dhe Manastir organizohen aktivitete të ndryshme kulturore për nder të kësaj date historike, thekson Alsat.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.