Perez konfirmon Dumfries dhe zbulon: Kam gati ofertën 150 milionë euroshe për një yll të madh

Gjatë një interviste të gjatë për “Horizonte”, Florentino Perez u ndal te merkatoja e ardhshme e Real Madridit në rast se rizgjidhet president: “Mund t’ju flas për tri afrime: Mourinho, Konaté dhe Dumfries, por do të ketë edhe të tjerë. Të martën do t’i bëj ofertë të rëndësishme një klubi të nivelit të lartë në Champions League për një lojtar të madh. Do të ishte shuma më e lartë e paguar ndonjëherë nga Real Madridi për një transferim. Të paktën 150 milionë euro”.

I angazhuar në fushatën për zgjedhjet presidenciale, Perez shtoi: “Bëhet fjalë për një lojtar që luan mes mesfushës dhe sulmit. Është një futbollist i kalibrit të Cristiano Ronaldos. Nuk është lojtar i Premier League. Nuk po flas as për Haaland, as për Doku dhe as për Olise”.

Pas deklaratave të presidentit të Real Madridit, ka nisur menjëherë gara për të zbuluar emrin e futbollistit. Sipas “Mundo Deportivo”, kandidatët më të mundshëm janë Jamal Musiala, Vitinha, João Neves, Désiré Doué dhe Julián Álvarez, ky i fundit i ndjekur edhe nga Barcelona.