Përfundoi raundi i dytë i zgjedhjeve presidenciale në Bullgari, sipas exit poll-it Rumen Radev ka 58%

Sipas exit poll-it, të kryer nga agjencitë sociologjike, përkrahje më të madhe mori Rumen Radevi, i cili është kandidati i një komiteti të iniciativës, i përkrahur nga Partia Socialiste Bullgare. Ai mblodhi më se 58% të votave. Në vend të dytë, me pak më se 35%, është Cecka Caçeva – kandidatja e partisë qeverisëse GERB. Me “Nuk përkrah askënd” kanë votuar rreth 6% të zgjedhësve. Sipas Komisionit Qendror Zgjedhor dita elektorale kaloi normalisht, pa shkelje të konsiderueshme të ligjit. Pjesëmarrja e votuesve është rreth 50%. Më herët sot kryeministri Bojko Borisov për herë të radhës pohoi se partia e tij GERB “në asnjë mënyrë nuk do të marrë pjesë në qeverisje”, në se kandidatja e saj Cecka Caçeva humb balotazhin. Po presim rezultatet nga numërimi paralel i agjencive sociologjike dhe rezultatet përfundimtare të Komisionit Qendror Zgjedhor.