Përfundon takimi i Lu-së me Kryeprokuroren, Marku merr mbështetje nga ambasadori amerikan
30 minuta ka zgjatur takimi mes ambasadorit amerikan Donald Lu dhe kryeprokurores së Përkohshme, Arta Marku ditën e sotme në ambientet e Prokurorisë së Përgjithshme.
Nga se bëhet e ditur, Lu i ka dhënë mbështetje të plotë, për çdo veprim që do të marrë Marku, në goditjen e krimit dhe të korrupsionit.
Takim i Lu-së me Markun, vjen 3 ditë pasi kjo e fundit u vu në krye të këtij institucioni, në një seancë ku nuk munguan përleshjet mes opozitës dhe mazhorancës.
Një ditë më parë, ambasadori Lu takoi edhe kreun e PD-së Lulzim Basha si dhe kryetaren e LSI-së, Monika Kryemadhi.
Në takimin që Lu pati me Bashën, lideri i opozitës ka qenë i prerë se nuk do të pranohet zgjedhje e kryeprokurores, pasi sipas tij, është bërë në shkelje të hapur me Kushtetutën.
Ndërsa, Kryemadhi i ka kërkuar ambasadorit amerikan një gjykim më objektiv lidhur me situatën e tanishme, duke denoncuar edhe dhunën e ndodhur ditën e hënë, ku gjatë protestës një deputetet e LSI-së mbeti e gjakosur
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.