Përplasja UEFA-FIFA thellohet edhe më shumë pasi Ceferin mungoi në finalen e Kupës së Botës, ja arsyeja

Aleksander Ceferin, presidenti i UEFA-s, nuk mori pjesë në finalen e Kupës së Botës midis Spanjës dhe Argjentinës për shkak të çështjes Balogun. Lajmin e konfirmoi e përditshmja britanike “Times”.

Sipas “Times”, mungesa e Ceferin, i cili është gjithashtu zv.president i FIFA, tregon një përçarje të thellë midis dy institucioneve më të mëdha të futbollit.

Mungesa e Ceferin vjen dy javë pas vendimit të FIFA-s për të përmbysur kartonin e kuq të dhënë amerikanit Folarin Balogun. Organi drejtues i futbollit evropian asokohe reagoi në një deklaratë të ashpër për këtë vendim.

Përpos kësaj, gjatë këtij Kupe Bote, UEFA kishte pasur disa mosmarrëveshje me FIFA, më së shumti kur Ceferin argumentoi se zgjerimi i Kupës së Botës në 48 ekipe kishte çuar në ndeshje “jo interesante”.

Përplasje pati edhe kur gjyqtarit somalez Omar Artan iu mohua hyrja në Amerikë, ku ishte planifikuar të gjykonte. UEFA njoftoi se ai ishte emëruar për të gjykuar ndeshjen e Superkupës së UEFA midis PSG-së dhe Aston Villa, më 12 gusht.