Peshkimi në Zvërnec, traditë që vazhdon të jetojë ndër breza

Peshkimi në plazhin e Zvërnecit mbetet një traditë e dashur për banorët e vjetër të zonës, të cilët nuk e kanë harruar pasionin e tyre për detin.

Çdo pasdite, një pjesë e tyre mblidhen në bregdet, duke e kthyer peshkimin jo vetëm në një mënyrë argëtimi, por edhe në një aktivitet që ruan lidhjen me traditat e hershme të zonës.

Këtë pasdite, një grup peshkatarësh të apasionuar hodhën rrjetat në ujërat e qeta të Zvërnecit. Pas disa orësh pritjeje, mundi i tyre u shpërblye me një sasi të kënaqshme peshku.

Mes kapjes spikatën qefulli dhe lica, duke sjellë gëzim te peshkatarët, të cilët siguruan një vakt të freskët nga deti.

Pamjet e peshkimit në këtë plazh të bukur vazhdojnë të jenë pjesë e përditshmërisë së Zvernecit, duke ruajtur gjallë një traditë që përcillet brez pas brezi.