Plagosja e 3 grave në Paris, dalin pamjet e autorit pas sulmit: Allahu më urdhëroi (VIDEO)

Tre gra u plagosën të hënën në mëngjes pasi u sulmuan me thikë pranë stacionit të tramvajit Porte de Clichy në veriperëndim të Parisit. Incidenti ndodhi rreth orës 11:30 të paradites kur një burrë sulmoi disa gratë jashtë një restoranti.Sipas autoriteteve franceze, të plagosurat janë të moshës 19, 24 dhe 36 vjeç. Të tre gratë u dërguan në spitale, dy prej të cilave në gjendje të rëndë. Megjithatë, mjekët deri më tani vlerësojnë se jeta e tyre nuk është në rrezik të menjëhershëm. Gruaja e tretë e plagosur ka lëndime të lehta.

Autori i krimit u pikas nga një oficer policie jashtë detyrës, i cili e pa atë të lëvizte duke mbajtur dy thika pranë stacionit të tramvajit. Oficeri menjëherë njoftoi forcat rezervë, e gjurmoi të dyshuarin dhe në fund mori pjesë në arrestimin e tij së bashku me një makinë patrullimi që nxitoi në vendngjarje.

Videot që qarkullojnë në mediat sociale tregojnë burrin të shtrirë përtokë. Sipas mediave franceze, gjatë arrestimit të tij thuhet se ai ka thënë: “Allahu është ai që më urdhëroi”.

Autoritetet po hetojnë motivet e sulmit dhe, sipas një burimi të cituar nga mediat franceze, personi i arrestuar tregon profilin e një personi me çrregullime mendore.

Ministri i Brendshëm i Francës tha se ishte shumë herët për të nxjerrë përfundime rreth motiveve, duke vënë në dukje se i dyshuari bëri deklarata të paqarta gjatë arrestimit të tij dhe se identiteti i tij po verifikohej.

🔴 Attaque au couteau à #Paris : Le suspect a été interpellé.👉 Âgé de 31 ans, il a poignardé trois femmes près de la porte de Clichy. Maîtrisé par un policier hors service et des passants, il souffrirait de troubles psychiatriques. (🎥 Témoin) #Paris17 pic.twitter.com/XJJW1aqXXO