Plagosja me thikë në Pazarin e Vjetër të Korçës, procedohen autorët

Pas sherrit të ndodhur ditën e djeshme në Pazarin e Vjetër të Korçës, ku nga përplasja midis dy pronarëve të dy lokaleve një person mbeti i plagosur me

Pas sherrit të ndodhur ditën e djeshme në Pazarin e Vjetër të Korçës, ku nga përplasja midis dy pronarëve të dy lokaleve një person mbeti i plagosur me thikë dhe dy të tjerë u plagosen me sende të tjera, këtë të shtunë policia ka njoftuar masat e sigurisë për personat e përfshirë në sherr.

Sipas raportimeve të policisë, janë proceduar penalisht shtetasit E. K., 48 vjeç; L. K., 52 vjeç; E. S., 22 vjeç dhe J. B., 33 vjeç.

“Në vijim të informacionit paraprak të dhënë dje për një konflikt midis disa shtetasve të ndodhur në lagjen nr. 8, Korçë, në zonën e “Pazarit të vjetër”, bëjmë me dije se specialistët për Hetimin e Krimeve të Komisariatit të Policisë Korçë referuan materialet në Prokurori, ku filloi procedimi penal për shtetasit E. K., 48 vjeç; L. K., 52 vjeç; E. S., 22 vjeç dhe J. B., 33 vjeç, banues në Korçë, për veprat penale “Plagosja e lehtë me dashje” kryer në bashkëpunim, “Prishja e qetësisë publike”, “Prodhimi dhe mbajtja pa leje e armëve të ftohta” dhe “Shkatërrimi i pronës””, thuhet në njoftimin e policisë.