Plagosje me thikë në Kombinat

Një plagosje me thikë është regjistruar në zonën e Kombinatit në Tiranë, këtë të hënë, 25 maj, ku dy persona rreth 60 vjeç janë përfshirë në një konflikt gjatë kohës që ndodheshin në një lokal.

Sipas informacioneve paraprake të siguruara nga gazetari Besar Bajraktaraj, të dy burrat kanë qenë duke konsumuar kafe dhe alkool, kur mes tyre ka nisur një debat për motive të dyshuara banale. Situata ka degraduar, ndërsa njëri prej tyre ka nxjerrë një thikë dhe ka goditur shokun e tij.

I plagosuri është transportuar për ndihmë mjekësore në spital. Ndërkohë policia ka ndërhyrë menjëherë duke arrestuar autorin e dyshuar të ngjarjes, ndërsa vijojnë hetimet për zbardhjen e plotë të rrethanave.

/tvklan.al