Play-off NBA/ Detroit dhe Cleveland fitojnë ndeshjet e shtata dhe kalojnë në gjysmëfinale të Konferencës së Lindjes

Mbrëmja e kaluar ka dhuruar ndeshje me shumë emocion në NBA pasi çiftet Orlando-Detroit dhe Toronto-Cleveland kishin nevojë për ndeshje të shtata për tu zgjidhur.

Ekipi i Pistons arriti që pas shumë vështirësive të eliminonte Magic. Edhe pse mbyllën në vendin e parë sezonin e rregullt Detroit kishte vështirësi që të kalonte një pengesë si Orlando (e shtata), e cila duhej të ishte një rivale e lehtë në letër. Në Detroit heronjtë e takimit ishin të zakonshmit Cade Cunningham (32 pikë dhe 12 asist) dhe Tobias Harris (30 pikë dhe 9 topa në tabelë). Për miqtë nuk mjafton paraqitja dinjitoze e Paolo Banchero, të cilit i mungoi shumë Franz Wagner dhe nuk arriti që të evitonte eliminimin e skuadrës, e cila arriti të udhëhiqte serinë 3-1 vetëm pak ditë më parë.

Në Cleveland formacioni i Cavs ka mposhtur në takimin e shtatë ekipin e Toronto-s duke shfrytëzuar në maksimum faktorin fushë. Kjo seri u vendos në fundin e pjesës së parë dhe fillimin e pjesës së dytë kur formacioni vendas siguroi një avantazh të madh falë shifrave të pjesshme 49-21. Në këtë duel spikatën Donovan Mitchell (22 pikë) dhe James Harden (18 pikë), të cilët u ndihmuan shumë edhe nga Jarrett Allen, i cili dominoi poshtë tabelave duke shënuar 22 pikë dhe duke rikuperuar plot 19 topa.

Ndeshjet

DETROIT PISTONS-ORLANDO MAGIC 116-94 (4-3)

CLEVELAND CAVALIERS-TORONTO RAPTORS 114-102 (4-3)