Policia hyn në magazinën me materialin promocional të studentëve: ‘Përpjekjet e lira për frikësim nuk do të na prekin asfare’

Studentët në bllokadë të institucioneve të arsimit të lartë në Serbi njoftuan se zyrtarë të policisë nga Sektori për krimin ekonomik kanë hyrë sot në magazinën e tyre, ku ruhej materiali promocional i përgatitur për aksionet e ardhshme zgjedhore.

Sipas njoftimit të studentëve në një postim në Instagram, policët “u shfaqën pa urdhër dhe hynë në pronë private”. Studentët theksojnë se reagimi i shpejtë i avokatëve, studentëve dhe qytetarëve tregoi edhe një herë se ata nuk do të dorëzohen dhe nuk mund të frikësohen.

Duke thënë se “më i mençuri nuk tërhiqet, por organizohet”, studentët njoftuan se në ditët në vijim do të veshin bluza, distinktive dhe shenja të tjera me mesazhin “Studentët fitojnë”. “Zgjedhja para nesh është e qartë — Serbia apo mafia”, thuhet në postim.

Ngjarja vjen në prag të zgjedhjeve të parakohshme parlamentare të 25 tetorit, në të cilat Lista Studentore “Studentët fitojnë” garon si lista numër 3. Studentët e quajtën hyrjen e policisë në magazinë një përpjekje të lirë për frikësim që, sipas tyre, “nuk do t’i prekë asfare”.

Burimi: Nova.rs