Presidenti i Bullgarisë pritet në Prishtinë me nderime të larta

Presidenti i Bullgarisë, Rosen Plevneliev, ka arritur në Prishtinë. Atij i është organizuar një pritje me nderimet më të larta shtetërore

Kryetari bullgar është pritur nga homologia, presidentja e Republikës së Kosovës, Atifete Jahjaga, të cilët kanë bërë rivistën e Gardës kosovare të Nderit.

Presidenti bullgar më pas është takuar me presidenten Jahjaga.
Më pas ai pritet të takohet edhe kryetarin e Kuvendit të Kosovës, Kadri Veseli.

Pas takimit Presidentja Jahjaga dhe presidenti i Bullgarisë, Rosen Plevneliev do të mbajnë edhe një konferencë për media.

Po gjatë ditës se sotme presidenti i Bullgarisë, Rosen Plevneliev viziton edhe Galerinë e Arteve të Kosovës.