Presidenti Meta pret zyrtarët e lartë të EBU

Presidenti Ilir Meta, ka pritr të mërkurën në një takim të posaçëm Presidentin e EBU-së Jean- Paul Philippot, Drejtori i Përgjithshëm i EBU-së Noel Curran, të shoqëruar nga Drejtori i Përgjithshëm i RTSH-së Thoma Gellçi.

Zyrtarët e lartë të EBU gjenden në Tiranë ku për herë të parë në historinë e EBU – së po mbahet Asambleja e 80 – të e Përgjithshme e Bashkimit të Transmetuesve Evropianë. në dt. 28 – 29 qershor 2018.

Siç është praktikë, Drejtori i Përgjithshëm i EBU – së z. Noel Curran dhe Presidenti i EBU – së z. Jean-Paul Philippot po zhvillojnë takime me përfaqësuesit më të lartë të vendit organizator për të diskutuar për çështjet e medias në përgjithësi e për median publike në veçanti.