Procedohen penalisht Lulzim Basha, Ervin Salianji, Klevis Balliu
Policia shqiptare ka proceduar kreun e PD-së Lulzim Basha për protestën te Unaza e Re në datën 23 Nëntor. Bashkë me te janë proceduar edhe zyrtarë të tjerë të PD-së për përplasjet me policinë, pengimin e aktivitetit të policisë, grumbullimin e paligjshem, pengimin e qarkullimit te mjeteve. Bashkë me ta janë proceduar dhe zyrtarë të tjerë të LSI. Ata akuzohen për tre vepra penale.
Pak orë më parë, kryetari i PD-së, Basha ka deklaruar se: “Është një provë e qeverisë së Edi Ramës dhe i mban ata si të burgosur politikë dhe liron kriminelët. Nesër do të publikojmë fakte tronditëse se sa e madhe është kjo vjedhje. Arrestimi dhe keqtrajtimi i 12 qytetareve që janë arrestuar këtu nuk duhet të ngelet jashtë vëmendjes së mediave”.
Njësoj si çdo ditë, në krye të protestës se Unazes se Re ndodhet kryetari i PD, Lulzim Basha dhe disa deputetë të opozitës. Po ashtu, protestuesit kanë bllokuar aksin Pallati me Shigjeta ish-sheshi Shqiponja nga të dy krahët, duke shkaktuar kaos në trafik.
Banorët kundërshtojnë projektin e zgjerimit të “Unazës së Madhe” i cili prek rreth 300 banesa, ndër to shtëpi banimi dhe biznese. Një pjesë e konsiderueshme e objekteve janë ndërtime pa leje dhe për rrjedhojë të palegalizuara. Pak më parë protesta e banorëve të “Astirit” degjeneroi në akte dhune përpara Kuvendit, teksa paralelisht zhvillohej seanca e Kuvendit.
