Projekti “Rryma Bullgare” do t’i balancojë mospajtimet rreth gazit në Evropë

Projekti i ri për gazsjellësin “Rryma Bullgare” duhet t’i ulë përplasjet e interesave mes vendeve anëtare të Bashkimit Evropian dhe të arrijë bilanc mes projektit të planifikuar “Rryma Veriore 2” dhe humbjeve financiare nga gazsjellësi i pezulluar “Rryma Jugore”. Këtë thuhet në analizën e agjencisë private amerikane për hulumtime analitike dhe të inteligjencës “Stratfor”. Kryeministri Bojko Borisov deklaroi, se “Rryma Bullgare” ose siç agjencia e quan projektin për nyjën e gazit “Ballkan”, do të jetë 100 për qind pronë bullgare. Ai do t’u përgjigjet tërësisht kërkesave të Komisionit Evropian dhe do të përdorë infrastrukturën ekzistuese të transportimit të gazit të vendit. “Stratfor” shënon, se për “Gazprom”-in do të jetë vështirë ta pezullojë transitin e gazit përmes Ukrainës deri sa nuk gjen itinerare të reja për eksportin e tij. Nga kjo pikëpamje projekti “Rryma Bullgare” duhet se do të jetë i realizueshëm për shkak të faktit se kjo është pozita e përbashkët e analizatorëve amerikanë dhe evropianë se pas tij dhe pas “Rrymës Veriore 2”qëndrojnë interesat e mëdha të kompanive europiano-perëndimore.