🌦️
Tiranë 14°C · Rrebesh i lehtë 21 Nëntor 2026
S&P 500 6,910 ▼3.7%
DOW 48,147 ▼1.93%
NASDAQ 22,618 ▼5.28%
NAFTA 83.41 ▲1.18%
ARI 3,515 ▼4.62%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $60,283 ▼ -2.7% ETH $1,696 ▼ -3.34% XRP $0.9253 ▼ -2.71% SOL $70.4700 ▼ -1.28%
S&P 500 6,910 ▼3.7 % DOW 48,147 ▼1.93 % NASDAQ 22,618 ▼5.28 % NAFTA 83.41 ▲1.18 % ARI 3,515 ▼4.62 % S&P 500 6,910 ▼3.7 % DOW 48,147 ▼1.93 % NASDAQ 22,618 ▼5.28 % NAFTA 83.41 ▲1.18 % ARI 3,515 ▼4.62 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
21 Nën 2026
Breaking
Kronika

Prokuroria e Beratit sekuestron pasuritë e një shtetasi të dënuar për trafik droge në Spanjë e Greqi

Prokuroria e Beratit ka sekuestruar disa pasuri të paluajtshme dhe automjete në pronësi të shtetasit me inicialet D.L. dhe personave të lidhur me të, pasi dyshohet se janë përfituar nga të ardhura me burim kriminal.

Sipas njoftimit të Prokurorisë, shtetasi D.L. është hetuar dhe dënuar nga autoritetet e drejtësisë në Spanjë dhe Greqi për veprën penale të trafikimit të lëndëve narkotike.

Hetimet pasurore, të lidhura me procedimin penal nr. 963 të vitit 2018, kanë ngritur dyshime se të ardhurat e përfituara nga aktiviteti kriminal janë investuar në Shqipëri, kryesisht në qytetin e Poliçanit, ku ai banon.

Prokuroria dyshon se me këto të ardhura janë blerë dyqane, apartamente për vete dhe familjarët, si dhe automjete të markave të ndryshme. Gjithashtu, shtetasi D.L. rezulton të ketë pasur aktivitete private në fushën e tregtisë ushqimore, bareve, kafeneve dhe ushqimit të shpejtë.

Nga hetimet rezulton se D.L. ndodhet në Spanjë që prej vitit 2017, ku sipas informacioneve të administruara është ndaluar nga autoritetet spanjolle për veprën penale të trafikimit të lëndëve narkotike.

Ndërkohë, analiza financiare për periudhën 2005-2016 ka evidentuar se të ardhurat dhe burimet financiare të dokumentuara të tij dhe familjarëve nuk janë të mjaftueshme për të justifikuar shpenzimet dhe investimet e kryera.

Për këtë arsye, me kërkesë të Prokurorisë së Beratit, është vendosur sekuestroja mbi pasuritë e mëposhtme në pronësi të D.L. dhe familjarëve të tij:

Disa pasuri të paluajtshme në Zonën Kadastrale 3019, me numra të ndryshëm pasurie dhe regjistrime pranë Zyrës Vendore të Regjistrimit të Pasurive të Paluajtshme Berat.

Një sipërfaqe prej 48 m² në Skrapar.

Një apartament me sipërfaqe 66 m² në Skrapar.

Një automjet i markës Mercedes-Benz, në pronësi të shtetasit D.L.

Një automjet tjetër Mercedes-Benz, modeli E270 CDI.

Shtetasi D.L. dyshohet për veprën penale të “Pastrimit të produkteve të veprës penale ose veprimtarisë kriminale”, parashikuar nga neni 287 i Kodit Penal.

Hetimet për këtë çështje vijojnë nën drejtimin e Prokurorisë së Beratit.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.