Qeveria nuk tërhiqet nga bunkeri
Megjithë sulmin e opozitës ndaj bunkerit në 8 dhjetor, qeveria nuk tërhiqet nga plani për objektin në sheshin e ministrive. Këto ditë pritet të nisë puna, sipas një projekti për ta shndërruar bunkerin dhe strehimin nëntokësor antiatomik, në një muze të vizitueshëm për turistët.
Këshilltari i Kryeministrit për monumentet jep detajet e objektit që synon të jetë një reflektim për kujtesën se çfarë mund të bëhet me një popull nën diktaturë.
“Çështjet e memories duhen trajtuar me kujdes dhe seriozitet. Nuk janë çështje gallate e sulmesh politike por duhen shndërruar në platforma për të pyetur pse e pësuam më keq komunizmin. Dhe shpesh herë përgjigjja ndodhet këtu tek ne e nën këmbët tona”, thotë arkitekti Artan Shkreli.
Thelbi, thotë Shkreli, është të mos harrohet ajo periudhë ankthi dhe në një farë mënyre muzeu do të jetë edhe një ironi me vetveten, pasi të gjitha gjurmët e dhunës së 8 dhjetorit do të ruhen sa të jetë e mundur.
“Kuptohet që protesta la gjurmët e veta sepse bunkeri s’qe ndërtuar për t’i rezistuar trysnisë por pati të mirën se i dha jetueshmëri dhe vizibilitet historie qe përndryshe do ishte thjesht një objekt i ri.
