Rama “fshikullon” ambasadorët shqiptarë: Kemi bërë goxha pastrime, por, ende kemi diplomatë delenxhinj

Kryeministri Edi Rama ka zhvilluar sot një takim me ambasadorët e Shqipërisë në botë në ambientet e ministrisë së Jashtme, ku në fokus ka qenë diplomacia ekonomike.

Kryeministri Rama në fjalën e tij tha se “kam kërkuar këtë takim të posacëm pasi dua të shtjelloj një temë me rëndësi të vecantë dhe të lënë pas dore gjatë peridhes së tranzicionit, sic është roli i shërbimit të jashtëm në ekonomi”.

“Nuk ka vend për diplomatë që nuk kanë kulturën që të artikulohen në gjuhën amtare, lëre më pas në një gjuhë të huaj. Nuk duhen individë që nuk janë në gjendje t’i kuptojnë rrjedhat politike dhe t’i përkthejnë sipas interesave tona. Është bërë goxha pastrim këto 4 vite nga gjithëfarëlloj parazitësh të katapultuar në përfaqësitë tona për arsye nga më të ndryshmet, përveç arsyes për t’i shërbyer vendit. Por, ende kemi diplomatë delenxhinj”, tha Rama.

“Menjëherë pas shpalljes së mandatit të qeverisë së re ditën e dielë do t’i kërkoj ministrit të ri një takim treditor për rolin që duhet të marrë diplomacia për vendin. Çdo tre muaj dua nga një raport, pasqyrë për secilën përfaqësi diplomatike të vendit ën raport me ekonominë. Duhet të nisim planin kombëtar të Diplomacisë në Ekonomi për dekadën e ardhshme për investimet e huaja dhe shkëmbimet tregtare. Nuk na duhen diplomatë të rraskapitur, nuk na ndihmojnë diplomatë që ke dëshirë ti harrosh sapo u kthen shpinën.”-tha Rama.”, tha Rama.

Kryeministri Edi Rama është shprehur se qeveria 4 vjeçare e të majtëve ka dështuar ashtu si qeveritë e tjera që ta kthejë shërbimin e jashtëm dhe diplomacinë në një faktor të fortë ekonomik. Madje kryeministri ka folur hapur duke ngritur një pyetje retorike drejtuar ambasadorëve.

“E kam shumë të vështirë të gjej rastin e fundit kur kam takuar në zyrën time operatorë ekonomik të huaj që i keni sjellë ju. Si ka mundësi që kemi qenë kaq të avashtë, ose për ta thënë shqip kaq të leshtë, për të gjetur mekanizmat e duhur, për të ndërtuar platformat që realiteti ynë, ky vend që ndryshon me muaj dhe me javë të pasqyrohet me angazhimin e vazhdueshëm jashtë kufijve tanë, ku na njohin pak, s’na njohin fare, ose na njohin keq. Ne kemi bërë një vrimë në ujë. Ne nuk na duhen diplomatë ë zgjohen nga gjumi dhe shkojnë për të fjetur. Nuk na ndihmojnë asgjëkundi diplomatë që ke dëshirë ti harrosh sapo ke kthyer shpinën se kur je me ta ke një sëkëlldi se mos të shohin. Në këto 4 vite është bërë goxha pastrim nga parazitët, përveç arsyes për të shërbyer me dinjiteti. Por ende kemi diplomatë delenxhinj dhe parazitë.

Rama theksoi se “Qeveria do të këtë edhe një ministër Shteti për shqiptarët jashtë atdheut, sepse marredhënia e shqiptarëve në rajon kërkon një vëmëndje më të madhe. Po ashtu dhe bota e shqiptarëve jashtë atdheut ka marrë përmasa të reja”.

Kryeministri foli edhe për shoferët e ambasadave.  “Nuk po zbres deri te shoferët e ambasadave, ku edhe sot gjendet ndonjë allçak nga ata që i kthyen ambasadorët në këmbësore dhe veturat e shtetit në taksi familjare”, u shpreh Rama