Rama: Meta pushtues, ngriti kioskën brenda hapësirës politike

Duke folur për transformimin e Tiranës ndër vite, në kafe me banorët e njësisë nr.4 në kryeqytet, Rama kujtoi edhe kohën kur ishte kryebashkiak e nisi prishjen e kioskave e ndërtimeve buzë Lanës.

Por teksa fliste për të kaluarën, e paralelizoi me situatën politike, kur tha se edhe tani Presidenti i vendit ka ngritur një kioskë në hapësirën politike, duke iu referuar kështu dekretit të tij.

“Meta po bën kioskën e vetë në hapësirën politike, një kioskë mes hapësirës së përbashkët. Zaptues mo, bëri një kioskë me atë dekret. Siç pushtuan Lalën, kopshtin para Piramidës, hapësirën rreth e rrotull Muzeut Kombëtar, tani pushtojnë hapësirën e përbashkët politike…”,- tha ai.