Kryeministri Edi Rama do t’i drejtohet sot ne 16.30 minuta opinionit publik me një adresim për votimin e sotëm në Kuvend.
Kuvendi miratoi sot me 117 vota pro, asnjë kundër dhe 3 abstenim kërkesën e Prokurorisë së Posaçme Kundër Korrupsionit dhe Krimit të Organizuar për arrestimin e deputetit Arben Ahmetaj.
Në seancën e posaçme të zhvilluar sot në Kuvendin e Shqipërisë, ku u diskutua kërkesa e SPAK, ishin të pranishëm 120 deputetë.
Gazment Bardhi dhe Arben Pëllumbi lexuan raportet e opozitës dhe të mazhorancës mbi kërkesën e SPAK.
Si mazhoranca, ashtu edhe opozita e vlerësuan të ligjshme kërkesën e SPAK, e cila kërkon kontrollin e banesës së Arben Ahmetajt dhe më pas arrestimin e tij.
Ish zv/kryeministri Arben Ahmetaj nuk ishte i pranishëm në Kuvend, ndërsa pak para se Kuvendi të mblidhej përmes një mesazhi të postuar në rrjetet sociale Ahmetaj shprehu dhe qëndrimin e tij mbi hetimin e SPAK, ku nënvizoi se veprimet e tij kanë qenë konform ligjit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.