Real Madridi në kaos: Valverde dhe Tchouaméni përleshen përsëri, uruguaiani shtrohet në spital

Dhoma e zhveshjes së Real Madridit është tani një fuçi e vërtetë baruti. Protagonistët e një tjetër përplasjeje ishin Federico Valverde dhe Aurélien Tchouaméni, të cilët, pasi ishin përleshur dje, vazhduan zënkën edhe sot. Sipas Marca-s, pasojat e “raundit” të dytë ishin shumë më serioze: uruguaiani thuhet se u detyrua të kërkonte ndihmë mjekësore dhe të dërgohej në urgjencë.

Burime brenda dhomës së zhveshjes së madrilenëve i thanë gazetës spanjolle se Valverde refuzoi t’i shtrëngonte dorën shokut të tij të skuadrës para seancës stërvitore të mëngjesit, e cila për pasojë u shoqërua me tension të madh. Më pas, nervat u ndezën përsëri në dhomën e zhveshjes kur dy lojtarët u përleshën fizikisht. Siç raporton Marca, gjatë grindjes, Valverde pësoi një goditje, pa dashje dhe jo të shkaktuar nga Tchouaméni, e cila shkaktoi një dëmtim dhe e detyroi atë të shkonte në spital.

Serioziteti i incidentit nxiti një takim urgjent ku morën pjesë të gjithë lojtarët dhe drejtori i përgjithshëm José Ángel Sánchez, si dhe hapjen e procedurave disiplinore kundër uruguaianit dhe francezit. Të dielën, më 10, do të zhvillohet El Clasico (në orën 9 të mbrëmjes), që potencialisht do të vendosë titullin për Barcelonën, por në këtë kohë, Real Madrid duket se ka çështje më urgjente për të zgjidhur.