Roma ëndërron Ancelottin për stolin

Me Ranierin në stol, Roma konsolidon të tashmen në fushë dhe planifikon të ardhmen duke synuar lart. Sipas “As”, pronarët Friedkins kanë identifikuar Carlo Ancelottin si njeriun e duhur për të drejtuar skuadrën verdhekuqe nga sezoni i ardhshëm.

Një zgjedhje shumë ambicioze që do të kishte përfshirë drejtpërdrejt pronarët e klubit italian, të cilët ndërhynë personalisht për të bindur trajnerin aktual të Realit që të rikthehej në kryeqytet.

Një lëvizje e shoqëruar mesa duket me një ofertë shumë të mirë. Si nga pikëpamja sportive ashtu edhe nga ajo ekonomike. Një lloj “all-in” për të zgjidhur njëherë e mirë problemin e trajnerit pas alternimit këtë sezon të De Rossit, Juric dhe Ranierit në stolin e verdhekuqve, duke shfrytëzuar nga njëra anë të kaluarën e Ancelottit te Roma dhe nga ana tjetër premtimet për buxhete të rëndësishme në të gjitha frontet.

Një skenar që mund të intrigojë Carletton, gjithmonë shumë i vëmendshëm ndaj asaj që po ndodh në Romë dhe vlerëson një rikthim të mundshëm, por edhe i vetëdijshëm për pozicionin e tij të privilegjuar te Real Madrid, një klub që vështirë të largohet lehtë siç e ka nënvizuar vazhdimisht.