Kronika
Rrëzimi i helikopterit në Shkodër, Byroja federale për hetimin e aksidenteve ajrore në Gjermani po heton shkakun
Byroja federale për hetimin e aksidenteve ajrore në Gjermani, është zyra që po merret me ekspertizën e kart-memorieve të kamerës së sigurisë, që ndodhej në kabinën e pilotëve të helikopterit të rrëzuar në liqenin e Shkodrës.
ABC News ka mësuar se në adresë të kësaj zyre federale, që është në varësi të ministries së transporteve gjermane, prokruoria e Shkodrës ka dërguar kart-memoriet e kameres së sigurisë për ekspertiz. Për dërgimin në adresë të kësaj kompanie, është marrë pëlqimi edhe i kompanisë së prodhimit të helikopterëve në Francë. Burimet thonë se zyra gjermane, pas pranimit të kartave për ekzaminim është shprehur se brenda 45 ditëve do të përfundoi raporti i shkakut të aksidentit. Por deri më tani kanë kaluar 3 javë nga nisja e këtyre kartave dhe ende nuk kemi një përgjigje zyrtare, e cila pritet që të vijë nga fillimi i muajt qershor.
Nga ana tjetër, kjo zyrë e hetimit të aksidenteve ajrore në Gjermani ka zbardhur edhe shkakun e rrëzimit të avionit të kompanisë gjermane, tragjedi kjo e ndodhur në mars të 2015 ku avioni i kompanisë “Germanving” u rrëzua në Alpet Franceze. Burimet thonë se kjo zyrë është e specializuar për hetimin e aksidenteve ajrore dhe në përfundim të ekspertizës, nëse konstatohet ndonjë defect teknik nga mjetët e fluturimit, ata i sugjerojnë kompanisë së prodhimit të përmirësojë atë defekt.
Ndërkohë për llogari të këtij hetimi, burimet nga prokuroria e shkodrës thanë se do të përsëritet pyetja e ushtarit që i shpëtoi aksidentit. Sipas akuzës, Gerald Baramuça edhe pse është pyetur tre herë vazhdon të këmbngul se nuk I kujtohet moment I rrëzimit të helikopterit.
Për llogari të kësaj dosje, është pyetur dhe do të përsëritet pyetja e ish-shefit të sigurisë ajrore në komandën e forcave ajrore të Rinasit.
Altin Lame, tashmë i shkarkuar nga detyra me urdhër të ministrisë së mbrojtjes Mimi Kodheli. Pasi është konstatuar se ditën e ngjarjes, piloti Lame po fluturonte me hel-ikopterin e kompanisë private “Shega AIR” në kundërshtim me ligjin. Ndërsa me cilësinë e ekspertit dhe për të sqaruar rastet e fluturimit nga kompanitë ajrore, prokuroria ka thirrur drejtorin e sigurisë ajrore dhe të licencave në Autorititin e Aviacionit Civilë z.Altin Vrapi.
