Rrogozhina rivoton kryebashkiakun, në garë sërish Memolla e Hoxha/ Pjesëmarrja deri tani 12%

Qytetarët e Rrogozhinës i jane drejtuar këtë të diel kutive të votimit për të rizgjedhur kryetarin e Bashkisë.

32 mijë qytetarë u jane drejtuar qendrave të votimit nga ora 07:00 deri në 19:00 të mbrëmjes. Deri ne ora 10.00 pjesëmarrja e raportuar nga Komisioni Qendror i Zgjedhjeve është 11.83%.

Zgjedhjet në bashkinë e Rrogozhinës u vendos se do të ripërsëriten nga Komisioni Qendror i Zgjedhjeve, pasi rezultati i 14 Majit u shpall i pavlefshëm. Shkak për përsëritjen e zgjedhjeve u bë kutia e burgut dhe diferenca mes dy kandidatëve ishte vetëm 21 vota, ne favor te Edison Memolles, teksa të burgosur numëroheshin më shumë se 100.

Ndryshe nga 14 maji, të burgosurit nuk do lejohen të votojnë për shkak të afateve kohore.

Kandidatët janë po të njëjtët, Edison Memollaj nga Partia Socialiste dhe Shkëlqim Hoxha nga “Bashkë Fitojmë”.