Rrustemi: Ligji për Specialen s’është në rrezik, i ka 90 vota – por presidenti s’i ka 80

Deputeti i Lëvizjes Vetëvendosje, Adnan Rrustemi, ka deklaruar se Projektligji për Dhomat e Specializuara nuk është në rrezik, pasi ai i ka 90 vota, por presidenti nuk i ka 80 votat e nevojshme, siç njofton Gazeta Express.

Rrustemi, i ftuar live në Kosova Live në T7, u shpreh se zgjedhja e presidentit ka qenë dhe mbetet interes shtetëror, ndërsa tashmë është edhe interes kombëtar.

Në të njëjtën intervistë, deputeti foli edhe për dhunën në protestë. Ai theksoi se protesta është legjitime për sa kohë është paqësore, por shtoi: “kur goditet policia, ajo reagon”. “Të gjithë e dinë, por sidomos ne të VV-së, që kur goditet policia ajo reagon”, deklaroi Rrustemi.

Deklaratat vijnë në ditën e fundit të afatit 60-ditor kushtetues për zgjedhjen e presidentit të Kosovës, ndërsa Kuvendi pritet të vendosë për hapat e mëtejshëm.