“Rryma Turke” do të kalojë përmes Bullgarisë, vendosi “Gazprom”

“Gazprom” tashmë ka vendosur se çfarë do të jetë itinerari i furnizimeve të gazit në “Rrymën Turke”, shkruan në numrin e sotëm gazeta “Komersant”. Gazsjellësi mund të kalojë përmes Bullgarisë, Serbisë, Hungarisë dhe Sllovakisë. “Gazprom” ka në plan t’i fillojë furnizimet përmes “Rrymës Turke” për Bullgarinë dhe Serbinë në fillim të vitit 2020, ndërsa në Hungari-dy vjet më vonë, gjë që do të lejojë që nga viti 2022 të hedhë poshtë transitin përmes Ukrainës. Në fakt ky është itinerari i “Rrymës Jugore”, i cili u pezullua nga BE-ja gjatë vitit 2014 nën presionin e SHBA-së. Sot mënyra e veprimit e “Gazpromit” i përgjigjet krejtësisht legjislacionit të BE-së.