Sa votues të këtushëm të 11 majit do të votonin sot?

Nëse do të zhvilloheshin sot zgjedhje parlamentare në Shqipëri, vetëm 2/3 e pjesëmarrësve të këtushëm të zgjedhjeve të 11 majit do të votonin. Kështu rezultoi nga sondazhi im i fundit për ‘Zërin e Shqiptarëve’. Po në cilin segment politik ishte firoja më e madhe?

Analiza që u bëra përgjigjeve të të anketuarve (paraqitur në grafikun e mëposhtëm) tregoi se firoja elektotrale ishte goxha e ndryshme në segmente të ndryshme.

Kështu, në segmentin socialist të votuesve të këtushëm të 11 majit, firoja ishte e vogël, krahasuar me firon në segmentet e tjera elektorale – plot 85.2% e atyre që votuan më 11 maj për PS-në do ta votonin përsëri për PS-në. Kurse vetëm 62.4% e atyre që votuan më 11 maj për PD-ASHM do të votonin sot për të. Për të mos folur për firon dramatike të partive të vogla, të cilat sot do t’i rivotonin vetëm 7.6% e votuesve të tyre të 11 majit…