Serbia mban çelësin e stabilitetit në Ballkan, thotë kryeministri japonez në Beograd
Presidenti i Serbisë, Aleksandar Vuçiq, mirëpriti të hënën kryeministrin e Japonisë, Shinzo Abe.
Kjo është vizita e parë e një lideri japonez në Beograd që nga shpërbërja e Jugosllavisë.
Abe po udhëton me një delegacion të udhëheqësve japonezë të biznesit dhe është planifikuar të takojë edhe kryeministren e Serbisë, Ana Brnabiq, dhe zyrtarë të tjerë.
Abe tha se Serbia “mban çelësin e stabilitetit” në rajonin e Ballkanit Perëndimor.
Zyrtarët japonezë thanë se vizita synon të forcojë bashkëpunimin ekonomik midis dy vendeve dhe të zgjerojë shtrirjen diplomatike të Japonisë në Evropë, përcjell REL.
Abe ndodhet në turne pesëditësh në Evropë, i cili ka nisur më 12 janar dhe mbulon gjashtë vende: Estoninë, Letoninë, Lituaninë, Bullgarinë, Serbinë dhe Rumaninë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.