Sesioni i parë informues për Grantet për Komunitetin e Butrintit

Në Butrint u zhvillua sesioni i parë informues mbi Skemën e Granteve për Komunitetin, një iniciativë e Fondacionit Shqiptaro-Amerikan për Zhvillim (AADF) dhe Fondacionit për Menaxhimin e Butrintit (BMF).

Përmes kësaj skeme, nismat e reja, por edhe projektet ekzistuese që synojnë të sjellin ndikim pozitiv në komunitet, mund të marrin mbështetje për t’u zhvilluar më tej. Thirrja u drejtohet individëve, bizneseve lokale dhe organizatave jofitimprurëse (OJF) që jetojnë ose ushtrojnë aktivitet në zonën e Butrintit dhe që kanë ide konkrete për zhvillimin e komunitetit lokal.

Çdo ide të re apo nisma që tashmë janë vënë në jetë, përmes Skemës së Granteve për Komunitetin, mund të kthehen në projekte me ndikim. Iniciativa synon të nxisë përfshirjen e komunitetit dhe të mbështesë ide që kontribuojnë në zhvillimin social, ekonomik dhe kulturor të zonës së Butrintit.

Aplikimet do të jenë të hapura deri më 15 tetor 2026 dhe përfituesit mund të marrin financim në formën e granteve deri në 20 mijë dollarë.

Zonat që përfshihen në thirrje janë: Vrinë, Shëndëlli, Xarrë, Çiflik, Mursi, si edhe zona të tjera rurale të kufizuara me Parkun Kombëtar të Butrintit, të identifikuara si prioritare për zhvillim ekonomik, social dhe turistik në Planin e Menaxhimit të Integruar.