SHBA-ja godet me sanksione të reja sektorët hekurudhor dhe automobilistik të Iranit

Shtetet e Bashkuara vendosën të enjten sanksione të reja ndaj Iranit, duke shënjestruar sektorët hekurudhor dhe automobilistik të Teheranit, sipas njoftimit të Departamentit amerikan të Thesarit, siç raporton Reuters.

Masat e reja zgjerojnë presionin ekonomik ndaj Iranit, pasi të martën Thesari sanksionoi 10 individë dhe subjekte në Iran, Hong Kong dhe Pakistan, të akuzuar për prokurimin e armëve dhe komponentëve për Ministrinë iraniane të Mbrojtjes, në kuadër të operacionit “Economic Outcast”.

Sekretari i Thesarit, Scott Bessent, ka deklaruar se Uashingtoni “nuk do të tolerojë asnjë mbështetje për regjimin” dhe do të vazhdojë të identifikojë, ekspozojë dhe izolojë ndihmuesit e Teheranit. Sanksionet synojnë të dëmtojnë aftësinë e Iranit për të rindërtuar programet e tij të armëve, duke rritur koston për ata që mbështesin zinxhirin e furnizimit ushtarak.

Masat vijnë në një kohë kur monedha iraniane ka rënë në minimumin historik — mbi 2.5 milionë rialë për dollar — dhe lufta shtatë-mujore vazhdon të rëndojë mbi ekonominë e Iranit, ndërsa bisedimet për armëpushim përmes ndërmjetësve mbeten të pasigurta.