SHBA – Katie Zacharia zëdhënësja e re e Shtëpisë së Bardhë

UASHINGTON, 9 tetor /ATSH-AFP/ – Presidenti amerikan, Donald Trump zgjodhi sot komentatoren konservatore, Katie Zacharia si sekretare shtypi të Shtëpisë së Bardhë.

“Pozicioni iu ofrua asaj”, tha një zyrtar, i cili kërkoi të mbetej anonim.

Zacharia është nga Kalifornia dhe më parë ka shërbyer si zëdhënëse e Departamentit të Sigurisë Kombëtare për disa javë, nga shkurti deri në prill 2026.

Katie Zacharia është një e ftuar e rregullt në ”Fox News” dhe ”Newsmax”, kanale me një numër të madh ndjekësish midis konservatorëve amerikanë.

Sipas profilit të saj në LinkedIn, ajo punon gjithashtu për ”Trump Media and Technology Group”, një kompani mediatike e lidhur me presidentin e SHBA-së, si dhe për platformën e tij, Truth Social.

Ajo është gjithashtu anëtare e organizatës konservatore ”Fix California”, e themeluar nga Richard Grenell, një bashkëpunëtor i ngushtë i Donald Trump.

E diplomuar në drejtësi, ajo jetoi në Kinë për dy vjet, midis viteve 2011 dhe 2013, ku punoi për një firmë avokatie.

Katie Zacharia është e martuar dhe ka katër fëmijë./ a.jor.