SHBA ratifikoi marrëveshjen e huas me Shqipërinë, reagon Ambasada Amerikane

Ambasada amerikane në Tiranë ka dalë me një reagim në “Facebook” lidhur me ratifikimin e marrëveshjes së huasë prej 302 milionë dollarësh nga SHBA-të. Ambasada në reagim thekson se kjo marrëveshje do të mbështesë përparimin e Shqipërisë drejt përmbushjes së Angazhimit të Hagës për Mbrojtjen.

Ndër të tjera kjo hua do të rrisë shpenzimet për mbrojtjen në 5 për qind të Prodhimit të Brendshëm Bruto (PBB) deri në vitin 2035.

“Sot, Shtetet e Bashkuara kanë kënaqësinë të njoftojnë ratifikimin dhe nënshkrimin nga Shqipëria të një kredie të re prej 302 milionë dollarësh në kuadër të programit Foreign Military Fund (FMF), e cila do të mbështesë përparimin e Shqipërisë drejt përmbushjes së Angazhimit të Hagës për Mbrojtjen, që parashikon rritjen e shpenzimeve për mbrojtjen në 5 për qind të Prodhimit të Brendshëm Bruto (PBB) deri në vitin 2035”, shkruhet në reagimin e ambasadës.