SHBA – Trump: Lufta me Iranin do të përfundojë shumë shpejt

– Presidenti amerikan, Donald Trump tha sot se beson se lufta me Iranin mund të përfundojë “shumë shpejt”, duke lënë të kuptohet se Teherani nuk mund ta vazhdojë konfliktin për shumë gjatë, sipas “Reuters”.

“Mendoj se do të përfundojë shumë shpejt. Nuk mendoj se ata mund të vazhdojnë edhe më gjatë”, tha Trump në Shtëpinë e Bardhë, duke iu referuar Iranit.

Deklarata vjen pas raportimeve të mëparshme, se ushtria amerikane ka përdorur një pjesë të madhe të rezervave të saj globale të raketave me rreze të gjatë dhe precizion të lartë, gjatë pesë muajve të luftës me Iranin.

I pyetur për gjendjen e rezervave ushtarake, Trump tha se SHBA-ja ka sasi pothuajse të pakufizuara të disa llojeve të armëve, por pranoi se për disa municione të tjera, rezervat janë më të kufizuara.

Ai shtoi se kompanitë amerikane të mbrojtjes po rrisin prodhimin dhe po ndërtojnë fabrika të reja për raketa, përfshirë raketat “Patriot” dhe “Tomahawk”. /