Shiroka-Pula takon Barishiq: Kroacia, mbështetëse e fuqishme e Kosovës
Presidentja Justina Shiroka-Pula priti ambasadoren e Kroacisë në Prishtinë, Daniela Barishiq, dhe riafirmoi miqësinë mes dy vendeve dhe thellimin e bashkëpunimit.
Presidentja Justina Shiroka-Pula priti sot në takim ambasadoren e Kroacisë në Prishtinë, Daniela Barishiq, siç njofton KosovaPress. Në takim u riafirmuan marrëdhëniet e shkëlqyera dhe miqësia ndërmjet dy vendeve, si dhe u diskutua thellimi i mëtejmë i bashkëpunimit.
Shiroka-Pula e vlerësoi Kroacinë si vend mik dhe mbështetëse të fuqishme të Kosovës, duke shprehur mirënjohjen për përkrahjen që nga vitet e luftës, për njohjen e pavarësisë dhe për proceset e konsolidimit të shtetit.
Ajo kujtoi gjithashtu kontributin e shqiptarëve në luftën për lirinë e Kroacisë, duke e cilësuar atë si një urë të rëndësishme miqësie mes dy popujve dhe shteteve.
Në takim u diskutua edhe konkretizimi i bashkëpunimit në fushën e mbrojtjes, drejtësisë, shëndetësisë, arsimit dhe shkencës, si dhe zgjerimi i shkëmbimeve ekonomike e tregtare dhe i investimeve.
Shiroka-Pula theksoi se marrëdhëniet e afërta politike e diplomatike duhet të konkretizohen me projekte në interes të qytetarëve të të dy vendeve.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.